Nude by Nature - On The Go Refillable Travel Brush

Dear 同胞們，

每年6月7月係澳洲新舊 financial year 交接，週圍都大減價，兩大百貨公司Myer同David Jones都減得幾勁，特別係化妝品部，上兩星期巡邏期間 (巡邏~~~) 行過nude個貨架6折，好多野都只係得返三幾件，而佢更加只剩一千零一件，佢就係 Nude by nature 嘅 On The Go Travel Brush

相信大家都有帶碎粉出街，個碎粉盒關唔實搞到成個化妝袋都係粉嘅經驗 (err... 我試過好多次..keke..) 

咁呢個掃應該啱晒，佢唔係新產品，但絕對係好產品，經過我個幾星期親身試用，效果唔錯絕對靠得住，圓柱形，打開樽蓋擰去OPEN個掃就會扭到出嚟，反方向擰就縮返入去，再反方向擰，底部個樽個就會走出嚟，個樽仔係用嚟裝粉，用手直接擰個樽出嚟，小心續少續少入D粉落去，擰返個樽上去，搞掂，掃粉二合一，十分方便。

嗱，大家睇相見到，跟盒送埋個細心細細細匙，用嚟入粉用，但唔好大匙大匙咁入喎，因為樽口唔夠大會傾瀉晒。

講返個掃頭，毛質唔錯，柔軟唔吉肉，始於都係細咗D，用咗但幾禮拜暫時未發現有甩毛，係出粉出少，要俾D耐性，但其實我情願佢出粉小小咁出好過一堆咁湧出嚟啦，係咪？

整體嚟講呢個嘢出街用係方便好用，有興趣嘅可以聯絡我幫手買 katkathy@gmail.com


Cheers, 
Kathy