四青汁

Dear 同胞們,

10個用7,8個女仔都會有腸胃問題，我都有吖，衰起上嚟兩三日先大一次都試過，我知，飲水嘛，係人都知啦，有飲夠水就唔會便秘啦，家陣就同大家分享我杯通便飲品。





就係呢杯四青汁 (sorry 我飲咗半杯先記得映相)，五青汁大家又聽過，四青又係邊四青呢？其實我呢杯係包括咗: 半條青瓜，兩個青蘋果，一個奇異果，兩枝西芹，一茶匙蜜糖。




(西芹同蜜糖無話唔方便出鏡)
青瓜: 含水極高，可抑制糖類轉化為脂肪，被視為減肥食品
青蘋果: 含大量維生素，礦物質及纖維, 當中的果膠可將腸道內積聚的毒素和廢物排出體外。
奇異果: 含大量維他命C, 大量纖維也有促進排便功能
西芹: 含大量維生素多種游離氨基酸等物質，清腸利便
蜜糖: 潤腸養顏

早上飲一杯，感覺好得很，淡淡草青味，西芹(臭!?)味不重，好Fresh呢~~~~

記得，即榨即飲，氧化咗會變色, 本人飲完廿分鐘左右就會去廁所，下午又再去多次，十分之好。本來我係想整五青，但實在太重口味，苦瓜同青椒汁好難入口，所以我加以少少改良，落D蜜糖，飲落好味D。




總之營養價值高，每朝一杯身體好。




襯未去得廁所，洗咗D碗先，拜拜。


Cheers,
Kathy